Zarokistanê Kreş û Keyeyê Ciewnîyayîşê Rojkî yê ke binê banê Şaredarîya Amedî ya Şaristanê Girdî de xizmet kenê, seba serra perwerde û musayîşî ya 2025-2026î qeydan gênê.

Perwerdeyê verî wendegehî

Zarokistanê Kreş û Keyeyê Ciewnîyayîşê Rojkî de gedeyan rê ke mabênê 3-6 serran rê çarçewaya perwerdeyê verî wendegehî de dersî do bêrê dayene. Gedeyî çarçewaya aktîvîteyanê sosyalan de do atolyeyanê drama, muzîk û hûnerî ra îstîfade bikê.

Keyeyê ciewnîyayîşê rojkî de taştî, teştare û werdê mabênî do hetê dîyetîsyenanê pisporan ra bêrê dîyarkerdene û hazirkerdene.

Kreş û Keyeyê Ciewnîyayîşê Rojkî de aktîvîteyê perwerde û xizmet do bi zafziwanî bêrê dayene. Gedeyî do bieşkê rojanê xebate de mabênê saetanê 08.00 û 17.00î de kreşanê Zarokistanî ra îstîfade bikê.

Belgeyê ke qeydî de yenê waştene 

May û pîyê ke wazenê Zarokistanê Kreş û Keyeyê Ciewnîyayîşê Rojkî ra îstîfade bikê, ganî bi fotokopîya nasnameyê wendekarî, 4 hebî fotografê wendekarî, raporê weşîye, karta derzîne, eke may yan pîyê ci xebitêno, belgeya xebate reyde muracet bikê.

Muracato peyên 8ê Tebaxe 

Qeydanê ke dest pêkerd, do heta 8ê Tebaxe dewam bikê. Şar şêno Zarokistanê Kreş û Keyeyê Ciewnîyayîşê Rojkî yê Bagcilar û 450 Evleran de muracet bikê û qeydê xo bikê.