Bi hemkarîya Şaredarîya Şaristanê Pîlî yê Amedî û Kayapinarî, bi sloganê “bi çerxê xo ma vurîyenîme,” atolyeya pedanê ke eşkenê bêrê şutene ameye serûber kerdene.

Serekîya Dayîreyê Xizmetanê Cinî û Keyeyan, atolyeya pedanê ke eşkenê bêrê şutene bi sloganê “bi çerxê xo ma vurîyenîme,” rayîr ra bena û na xebata xo şaredarîyanê qezayan reyde serûber kena. Mudirîya Polîtîkayanê Cinîyan, Şarederîya Kayapinarî de pîya Merkezê Cuya Cinîyan ê 500 Evlerî yo ke Taxa Haştîye de yo, yew atolye organîze kerde. 

Derheqê tabuyê reglî de yew pêşkêşîye

Perwerdekar Sevda Kayar Görer, derheqê weşîya bergirewtişê cinîyan û tabuyê reglî de pêşkêşîye kerde. Görer îfade kerd ke tadayîya komelkî cinî kerdê xerîbê bedenê xo û bal anit bi muhîmîya xo şinasnayîş û pîştî bi yewbîn dayîşê cinîyan ser. Görer persê beşdaran cewab kerdî û dewam kerd derheqê weşîya cinîyan de zanitişî dayî.

Cinîyan îfade kerd ke ê perwerdeyan ra zaf zerrîweş ê û ganî aktîvîteyê winasî hîna vêşî bêrê kerdene. Çarçiwa programî de beşdaran atolya tekstîlî de gore bi îhtîyacîya xo pedê ke eşkenê bêrê şutene deştî. 

Atolyeyî do dewam bikerê.

Atolyeyê “bi çerxê xo ma vurîyenîme,” ke Merkezê Cuya Cinîyano ke girêdayîyê bi Şaredarîya Pîle yo de ameyê destpêkerdene, sey hedef nayo xo ver ke bal biancîyo weşîya cinîyan ser û vera xizanîya reglî hişyarîye virazîyo. Atolyeyî bi hemkarîya mudirîyetanê polîtîkayanê cinîyan ê şaredarîyanê qezayan do dewam bikerê.