Şaredarîya Şaristanê Pîlî ya Amedî bi 12 wesayîtanê îtfaîya, 4 tankeran, 66 personelan mudaxeleyê şewati kena ke Licê, Hêni û Karazî de dewam keno û heyeto ke Hemşaredare Serra Bucake û Doğan Hatunî kî tede yê Taxa Seynek a Licê de xebatanê weşaynayîşî ca de etud kenê.

Şewatê daristanî yo ke qezayanê Amedî, Licê û Hêni de seatanê şanî de dest pêkerdbî, bi tesîrê vayî perra bı zaf taxan. Xebatê girewtişê binê kontrolî yê şewatî dewam kenê, komî erd ra bi hewayo întensîf mudaxele kenê.

Şewat, Qeza Licê de taxanê Arıklı, Duru, Uçarlı, Zîyaret, Serîn, Argül, Kılıçlî de, Qeza Hêni de taxanê Gömeç û Gürbüz de tesîrdar bî, 3 hemwelatîyê ke dudar bîyê (tesîrê du de mendê), mudaxeleyî ra dima serbest veradîyay. Waranê ke wesayîtê arazî nêresenê ci de, dewijan  bi traktor û tankeranê awe mudaxeleyê şewatî kenê, çend citkaran bi traktoran erd wekerd ke averşîyayîşê şewatî bivindarnê.

Şaredarîya Şaristanê Pîlî ya Amedî bi 12 wesayîtanê îtfaîya, 4 tankeran, 66 personelan mudaxeleyê şewatî kena û heyeto ke hemşaredarê Şaredarîya Şaristanê Pîlî ya Amedî Serra Bucake û Doğan Hatun, hemşaredarê şaredarîyanê Karazî, Hêni û Licê û Mebûsê Partîya DEMî yê Amedî Serhat Eren tede yê, Licê de dewê ke binê tehtîdê şewatî de yê zîyaret kerdî û xebatê ke herême de ênê kerdene nêzdî ra teqîb kerdî. Hemşaredarî Taxa Seynek a Licê de hemwelatîyanê ke dewanê dormeyî ra ameyê reyde amey têhet û xebatê weşaynayîşê şewatî koordîne kenê.

Hemşaredaran îfade kerd ke seba ke şew a, nika hewa ra mudaxele nêeşkeno bêro kerdene û helikopterê ke seba destekê hewayî ameybî waştene, şewatê Adana û Adîyamanî sey sebeb amey nişandayene û nêerşawîyayî. 

Herême de etudê hemşaredaran û xebatê mudaxeleyê komanê îtfaîya bêvindertiş dewam kenê.