Şewato ke qezayanê Licê û Hêni de vizêr vejîyaybî, bi koordînasyonê Hemşaredaranê Şaredarîya Şaristanê Pîlî ya Amedî Serra Bucake û Doğan Hatunî, bi mudaxeleyê koman seatanê şewe de peynî de ame weşaynayene.

Şewatê daristanî yo ke qezayanê Amedî, Licê û Hêni de vizêr dest pêkerdbî, bi tesîrê vayî perra bi zaf taxan. Hemşaredarê Şaredarîya Şaristanê Pîlî ya Amedî Serra Bucake û Doğan Hatunî vîyartî bi herême û binê koordînasyonê înan de komê ke girêdayê Serekîya Dayîreyê Îtfaîya yê û tankerê awe yê Mudirîya Pêroyî ya Îdareyê Awe û Kanalizasyonî ya Amedî (DİSKİ), mudaxeleyê şewato ke Qeza Licê de perraybî bi taxanê Arıklı, Duru, Uçarlı, Zîyaret, Serîn, Argül, Kılıçlî; Qeza Hêni de zî perraybî bi taxanê Gömeç û Gürbüzî, kerd.

Bi xebatanê ke komê Mudirîya Xebitnayîşê Daristanî zî beşdarê ci bîbî, şewat seatanê şewe de peynî de gîrîya binê kontrolî û ame weşaynaye.

Pêro komê Şaredarîya Şaristanê Pîlî ya Amedî, weşaynayîşê şewatî ra dima herême ra agêrayî.