Şaredarîya Amedî ya Şaristanê Girdî 4 şaredarîyanê qezayanê merkezî reyde pîya vera şîdetê cinîyan ser o seba ke hişmendî virazîyo û piştdayîşo hempar xurt bibo xebatêk daye destpêkerdene. Çarçewaya xebate de resayî 1771 cinîyan.

Serekîya Daîreya Xizmetanê Cinîyan û Keyeyî ya Şaredarîya Şaristanê Girdî û Mudirîyanê Polîtîkayanê Cinîyan ê Şaredarîyanê Sûr, Baglar, Kayapinar û Yenîşehîrî, vera şîdetê cinîyan ser o seba ke hişmendî virazîyo û piştdayîşo hempar xurt bibo xebatêk daye destpêkerdene.

Destpêkê xebatan 10ê Tebaxe de Parka Koşuyolu de ame kerdene, Parka Hz. Silêmanî, Sumerpark, Newroz Park, Çiftkapî (Berê Koyî), Meydanê Bajarî û Parkorman zî sey cayê têhetameyîşan ameyî dîyarkerdene. Xebate de ke cinîyan reyde yew bi yew têkilî ame ronayene, 1438 broşûrê Tora Şîdetî û 333 broşûrê Merkezê Cigêrayîş û Çareserkerdişê Problemanê Cinîyanê Amedî (DİKASUM) ameyî vilakerdene. Bi na xebate 1771 cinîyan reyde têkilî ameya ronayene.

Xebatê xurtkerdiş û piştîdayîşê cinîyan ê seba komelê seypêyî dewam bikerê.