Şaredarîya Amedî ya Şaristanê Girdî, Merkezê Etudî yê Akademî Sûrî de wendekarê ke seba îmtîhananê TYT-AYT amade benê, înan rê piştgirîya perwerdeyî ya bêpere daye destpêkerdene.

Şaredarîya Amedî ya Şaristanê Girdî, ke amanc kena ke rayîrê perwerde û karîyerî yê wendekaran de înan het de bibo, şertanê ewroyî de barê ekonomîkî yê keyeyan sivik bikero, wendekaran rê seba amadekarîya TYT û AYT’yî piştgirîya etudî ya bêpere do bido.

Muracatî mabênê 3-15ê êlûle de

Wendekarê ke wazenê Merkezê Etudî yê Akademî Sûrî de ke binê Serekîya Daîreya Xizmetanê Komelkî de xizmet keno, piştgirîya perwerdeyî ra îstîfade bikerê, eşkenê mabênê 3-15ê êlûle de muracatê xo bikerê. Wendekarî hem eşkenê adresa https://form.jotform.com/dbbsosyalhizmetlerkurs/YKSBasvuru ra muracatê onlîne bikerê hem zî xeta ALO 15î3 ra eşkenê piştgirî bigîrê.

Do wendekaran rê xizmetêko tewr baş bêro dayene

Merkezê Etudî yê Akademî Sûrî, bi odayanê etudî, îmtîhananê ceribnayîşî yê biserûberan, odayanê zanistî, xizmetê şêwirmendîye yê taqîbî, weşananê goreyê mufredatê aktuelî, çalakîyanê kultur-hunerî û sohbetanê rojanê karîyerî, demserra newîye de amanc keno wendekaran rê xizmetêko tewr baş bido.