Hemşaredaranê ma Serra Bucak û Dogan Hatun, Dibistanê Sporî yê Hamnanî zîyaret kerdî û wendekaran reyde ameyî têhet.

Hemşaredarê ma ke Tesîsê Hewzê Asnawe yê Nêm-Olîmpîkî yê Yenîşehîr Seyrantepeyî ra dest pêkerd, heta Tesîsê Sporî yê Şilbeyî û Tesîsê Şehmus Ozerî yê Amedsporî heme merkezan ra gerayî, derheqê xebitîyayîşê kursan de agahî girewtî.

Zîyaretan de Bucak û Hatunî gedeyan reyde sohbet kerd, waştiş û pêşnîyazê wendekaran goşdarî kerdî.

Gedeyî seba îmkananê ke înan rê ameyî pêşkêşkerdene, sipas kerd, yewîneyê eleqedarî zî seba temînkerdişê waştişan ameyî wezîfedarkerdene.