Çarçewaya kampanyaya "Vatişê Ma Nêqedîya, Ma Do Şîdetî Pîya Vindarnê" de hemşaredarê cinîyî Pasûr de cinîyan reyde ameyî têhet.

Hemşaredara Amedî Serra Bucak û 13 hemşaredarê cinîyan ê qezayan reyde, Pasûr de verê esnafî zîyaret kerdî, broşûrê têkoşînê vera şîdetî pare kerdî. Dima Taxa Tahtabeşî de cinîyan reyde ameyî têhet.

Bucak va: "Xizmetê cinîyan seba ma zaf muhîm ê. Ganî ma heqanê cinîyan û meseleya şîdetî ser o qisey bikerê. Ma wazenê pîya na mesele çareser bikerê." Cinîyan waştişê xo vatî, hemşaredaran not girewt û dîyar kerd gamê lazimî do bêrê eştene.