Taximê Hentbolî yê Camêrdan ê Diyarbekir Beledîyesporî, par sey şampîyonê namaxlûbî vejîya Lîga 1. nika maçê xo yê yewinî rê hazirîye keno.

Taximê Hentbolî yê DBByî ke binê banê Serekîya Daîreya Xizmetanê Ciwan û Sporî de par awan bîye, Lîga 2. Grûba G 18 puwanan reyde namaxlûb qedêna û Play-Off'an de zî serkewt, vejîya Lîga 1.. Taxim emser hedefanê girdêran ser o konsantre bîyo.

'Hedefê Ma Super Lîg o'

Zafîya taximî Dibistananê Sporî yê Bêpere yê Şaredarîya Şaristanê Girdî ra keşf bîyê. Antrenora Teknîke Hatîce Şaşma va: "Hedefê ma Super Lîg o. Ma wazenê Amed de her kesî rê behsê hentbolî bikerê. Par heme maçan de ma bi serkewtî. Emser zî sey yew keye Super Lîgî wazenê. Amed layiqê Super Lîgî yo. Eke Beşîktaş sey klûbê girdî tîya de maç bikerê, hem doman hem binawanî hem zî şaristanê ma rê qîmetdar o."