Hemşaredara Amedî ya Şaristanê Girdî Serra Bucak, beşdarê kombîyayîşê encumenan ê Yewîya Şaredarîyan a Tirkîya yê aşma êlûle bîye.

Kombîyayîşê encumenan ê Yewîya Şaredarîyan a Tirkîya (TBB) yê aşma êlûle Anqara de ame viraştene. Kombîyayîşo ke Awanîya Merkezê Pêroyî yê TBB’yî de serekîya Cagirê Serekî yê TBByî û Serekê Şaredarîya Mersînî ya Şaristanê Girdî Wahap Seçerî de ame viraştene, Hemşaredara Amedî ya Şaristanê Girdî Serra Bucak û endamê encumenî beşdar bîyî.

Kombîyayîşî de, xebatê yewîye, butçeya serrane ya malî ya 2026, programê performansî yê 2026î ameyî qiseykerdene.

114 Şaredarîyan rê 115 Wesayîtî Hîbe Bîyî

Kombîyayîşî ra Merasîmê Teslîmê Wesayîtan ke ameye organîzekerdene, tira dima rewşa sosyo-ekonomîk, cografya, nufûs, hewcedarî û waştişî 114 şaredarîyan rê 115 wesayîtê xizmetî hîbe bîyî.