Hemşaredarê Amedî yê Şaristanê Girdî Dogan Hatun, beşdarê şayîya xelatanê Rojnamegeranê Cinîyan a Gurbetellî Ersoz bî ke hetê Komela Rojnamegeranê Cinîyan a Mezopotamya (MKG) ra ameybî organîzekerdene.

Merkezê Kultur û Kongreyî yê Çand Amedî de, rojnamegeranê cinîyan ke beşanê cîyayan de serkewte bîyî xelatê înan ameyî pêşkêşkerdene.

Şayîye de, Hemşaredarê ma Hatunî ra teber Hemsereka Pêroyî ya DBP'yî Çîgdem Kilîçgun Uçar, Hemşaredara Verêne ya Şaredarîya Amedî ya Şaristanê Girdî Gultan Kişanak, hemşaredarê şaredarîyanê qezayan, Dayîkê Aştîye, Hemverfekê Meclîsî û endamê ma yê meclîsî, temsîlkarê rêxistinanê komelkîyan û rojnamegerî beşdar bîyî.