Meclîsê Sporî yê Konseya Bajarî ya Amedî ke 2yê teşrîna verêne Komxebata Sporî viraşt ke seba ke warê sporî yê bajarî zêde bibê û piştîpêdayîşê mabênê dezgehan zêdeyêr bibo, Beyanê Netîceyan eşkera kerd.

Verfekê Meclîsê Sporî yê Konseya Bajarî Cemal Dogru îzah kerd.

Beyanatî de problemê bingeyin sey kêmîya binge û dezgehan, problemê tesîsan û piştîpêdayîşê îdareyê herêmkîyan û kêmîya koordînasyonî qisey bî.

Butçeya Sporî Yena Xurtkerdene

 

Pêşnîyazan mîyan de zêdekerdişê dezgehanê sporî û newekerdişê înan, xurtkerdişê butçeyanê sporînyê şaredarîyan, îstîhdamê kadroyanê pîsporan û viraştişê ca û cîhazanê komelkîyan seba sporanê amatoran ca girewtî.