Şaredarîya Amedî ya Şaristanê Girdî, seba astengdaran ke do bikewê Îmtîhanê Weçînayîşê Personelanê Dewlete yê Astengdaran (E-KPSS), kursêko bêpere akerd û perwerde da destpêkerdene.

Serekîya Daîreya Xizmetanê Astengdar û Pîran, seba şarê ke do seba îmtîhanê E-KPSS’yî amade benê, kursêko 6 aşman akerd. Qada Cuya Hempare ya Sumerparkî de 164 astengdaran xo qeyd kerd û wendekaran rê perwerdeyê qabîlîyetê pêroyî, kulturê pêroyî, îmtîhanê ceribnayîşî û piştgirîya motîvasyonî yenê dayene.

Şefê Şûbeyê Astengdaran Emîn Baranî va: "Kursê ma bi mamosteyanê ke şaredarîya ma û personelê perwerdeyê şarî tayîn kerdî her roja mîyanê hewteyî dewam keno. Kursê ma seba 4 grûbanê astengdarîye 3 şûbeyan de ame akerdene - seba mezûnanê lîse, verlîsans û lîsans."

Kursîyeran ra Elîf Bogatekin va: "Mi dest pêkerd ke feyde bigîra. Ez seba nê xizmetê şaredarîya ma sipas kena."

Kursîyer Welat Bozkuşî zî va: "Ma nê xizmetêrasterastî ra zaf hes kenê."