Bi hemkarîya Şaredarîya Amedîya Şaristanê Girdî û Komela Kultur, Huner û Edebîyatê Cinîyan (KASED) Atolyeya Cinîyan a Huneranê Dîyayîşkîye ameye viraştene.

Atolye de ke hunermendê cinî yê şaristananê cîyayan ra beşdar bîyî, bale ame antene ke ganî cinîyî warê hunerî de bêrê asayene.

 

'Ma amade yê ke piştî bidê'

Sereka Daîreya Kultur û Karanê Komelkîyan Zeynep Yaş, îfade kerd ke berhemardişê hunerî seba cu yo û va: "Na xebata ke cinîyî bi serran o kenê tena seba kulturê huneranê dîyayîşkîyan nîya, bi pêroyî seba cu a" û îfade kerd ke ê amade yê ke piştî bidê nê tewir faalîyetan.

Atolye bi sernameyanê muhîman ê sey "Pawitişê Kulturî Vera Bêvîrbîyayîşî" û "Asayîşê Hunermendanê Cinîyan ê Kurdan ê Xebatanê Huneranê Dîyayîşkîyan de" dewam kerd.