Nuştoxo Kurd Mehmed Uzun serrgêra mergê xo yê 18. de ame yadkerdene.

Bi pêşengîya Şaredarîya Amedîya Şaristanê Girdî, nuştoxanê yewinan ê edebîyatê kurdkî ra Mehmed Uzun, serrgêra mergê xo yê 18. de Goristanê Berê Mardînî de gorê xo ser o ame yadkerdene.

Çalakîya yadkerdişî de Hemşaredarê Amedî Dogan Hatun, hemşaredarê şaredarîyanê qezayan, keyeyê Uzunî, embazê nuştoxî û temsîlkarê rêxistinanê komelê sîvîlî beşdar bîyî.

Yadkerdişî de Hemşaredarê ma Hatunî qisey kerd û bal ante piştgirîya Mehmed Uzunî ya ziwanê kurdkî û edebîyatê kurdkî ser o û va: "Eke ma bi ziwanê xo yê dayîke eşkenê binusê, qisey bikerê, çilkêka naye keda kekê Mehmedî ya."