Kombîyayîşê asayî yê teşrîna verêne yê Meclîsê Şaredarîya Amedî ya Şaristanê Girdî de Hemşaredarê Amedî yê Şaristanê Girdî Dogan Hatunî qisey kerd û derheqê kombîyayîşanê ke rojanê peyênan de şaristanê Barselonayî yê Îspanyayî de beşdarê înan bîye, meclîs agahdar kerd.

Hatunî îfade kerd ke ê beşdarê Zîrweyê Kulturî ya UCLG'yî yê 6. bîyî û Yewîya Şaredarîyanê Herêma Barselona, Konsulê Konseya Şaristanê Barselona û dezgehanê sey CIEMEN'î reyde têkilîyî ronayî.

Protokolê hemkarîye

Hatunî îfade kerd ke têkilîyan de, derheqê res, binawanî, kanalîzasyon û xizmetanê neweyan de qerarê hemkarîye ame girewtene û va ke di hetî zî do zîyaretê ekîbanê teknîkan virazê û planî est ê ke serrê 2026'yî de protokolê hemkarîye bêro îmzakerdene.