Şaredarîya Amedî ya Şaristanê Girdî, seranserê şaristanî de parkan de cayê kayan ê gedeyan û cayê sporî de xebatêka girde ya newekerdişî daye destpêkerdene.
Serekîya Daîreya Park û Baxçeyan, qezayanê Sûr, Kayapinar, Yenîşehîr û Baglarî de grûbanê kayan ê gedeyan ê kehenan, hacetê fîtnessî, cayê kayan ê biemnîyetan û cayê sporî modern, niemnîyet û resayox kena.
Ekîbî, xebatanê newekerdişî de cayê kayan ê gedeyan û zirçanê kehenan, hacetê fîtnessî, cayê rayîrşîyayîş û rayîrê neweyî virazenê. Hacetê kehen û xirabeyî cayê înan ra vejenê û neweyan ronanê.
Bi saya xebatan seba gedeyan cayê kayan ê biemnîyetî yenê awankerdene û ciwanan rê zî firsendê sporî vejîyeno meydan. Serekîya Daîreya Park û Baxçeyan parkan de do xebatanê newekerdişê hacetan dewam bikero.
'Ma parka hîsî awan kenê'
Mîmarê payzajî Necdet Kaygisizî îfade kerd ke ê hem parkanê neweyan de hem zî parkanê nikayênan de xebatanê xo dewam kenê ke şar bieşko warêko konfordar û biemnîyetî de wext vîyarno. Kaygisizî bal ante resayoxîye ser o û va: "Bi taybetî cayê kayan ê gedeyan de ma hacetanê jîr û resayoxan saz kenê. Ma cayê parkî yê hîsî awan kenê ke astengdarî zî bieşkê bi asanî bişuxulnê. Ma zirçan baş kenê ke her cayê parkî asan bêro resayene. Ma bank, qutîyê çopî û kamelyayanê neweyan zî ronenê."
Â