Hemşaredarê Şaredarîya Amedî ya Şaristanê Girdî Serra Bucak û Dogan Hatun beşdarê lansmanê "Projeyê Şaristananê Dostê Cinîyan 3" bîyî ke amanc keno cinî cuya şaristanî de bi hawayêko seypê, ewle û tesîrdar cayê xo bigîrê.

Proje ke bi piştgirîya YE'yî, paredarîya TBB'yî û tetbîqatê UNFPA'yî yeno averberdene, Enqere de lansmanö cı ame kerdene. Program do 25 şaristanan de bigîro tetbîqat ke Amed zî mîyanê înan de yo.

Lansmanî de qiseykerdişan de bale ameye antene muhîmîya projeyî ser o û ame destnîşankerdene ke seypêyî herêman ra dest pê kena.

Qonaxo hîrêyin ê programî de ke teşrîna peyêne 2024 de dest pêkerd û do hîrê serran dewam bikero, tede amanc o yo ke şaredarîyan de Mekanîzmayê Seypêyîya Herêmkî (YEM) bêrê awankerdene, beşdarbîyayîşê cinîyan bêro zêdekerdene û hemkarî bi rêxistinanê komelê sivîlan reyde bêro xurtkerdene.