Şaredarîya Amedîya Şaristanê Girdî, Fuarê Kîtaban a Amedî yê 9. de bi stantê xo ke akerdo, daşinasnayîşê şaristanî kena.

Stantî de ke bi kordînasyonê Serekîya Daîreya Kultur û Karanê Komelkîyan ameyo viraştene, weşanê şaredarîye yê derheqê tarîxê şaristanî, kulturê ci, gastronomî û edebîyatê Kurdkî de yenê nawitene.

Stantê Şaredarîya Amedîya Şaristanê Girdî de mêmanan rê çay-qewe yenê vilakerdene, ekranê LED'î ra qeydê daşinasnayîşî yenê nawitene û dîyarîyê cîya-cîyayî yenê vilakerdene.

Komsero bêpere

Serekîya Daîreya Resî zî seba şarê ke wazenê şêrê fuar, Berê Koyî û Şehîtlîkî ra servisanê bêpereyan tedarîk kena.

Konseya Şaristanî zî stand akerd

Sewbîna Konseya Şaristanî ya Amedî zî fuarî de stantêk akerd û xebatê meclîsan dana şinasnayene û derheqê şaristanî de fikrê şarî gêna.