Merkezê Ciwanîye yo Dîjîtal ê Amedî (DÎGEM) ke Şaredarîya Amedî ya Şaristanê Girdî çarçewaya "Projeyê Ciwanê Ewro Meslekê Ameyoxî" de bi malîyetê YE'yî û piştgirîya Programê Averşîyayîşê Milletanê Yewbîyayîyan (UNDP) awan kerd, 23ê Teşrînê Peyên de yeno akerdene.

"Projeyê Ciwanê Ewro Meslekê Ameyoxî " ke bi butçeya 7 mîlyon û 900 hezar Euro ya YE'yî yeno averberdene, bi hemkarîya TBB'yî dest pê kerd. Proje amanc keno ke seranserê Tirkîya de 45 bajarî û qezayan de Merkezê Ciwanîye yê Dîjîtalî bêrê awankerdene.

DÎGEM do firsendanê neweyan bido ciwanan 

DÎGEMê Amedî ke Qada Cuya Hempare ya Sumerparkî de binê Şaredarîya Amedî ya Şaristanê Girdî de ameyo awankerdene, bi cayê xo yê merkezî û binawanîya xo ya moderne do firsendanê neweyan ê dinyaya dîjîtale bido ciwanan. Merkezî de goreyê mifredatê ke çarçewaya projeyî de ameyo amadekerdene, perwerdeyê hîbrît (rî bi rî û onlayn) do bêrê dayene. Perwerdeyî ra teber seba piştgirîya prosesê karpeydakerdişê ciwanan xizmetê mentorîye û mişewirîye zî do bêrê temînkerdene. 23ê Teşrînê Peyên de do bêro akerdene