Şaredarîya Amedî ya Şaristanê Girdî, Taxa Satî ya qezaya Sûrî de ke serra 2019î de laserî ra zaf zerar dîyo, dest bi newekerdişê binawanîya kanalîzasyonî kerd. Ekîbî 5 hezar metre xeta kanalîzasyonî newe kenê û 3 hezar metreyî xetêka newîye ronanê.
Bi temamkerdişê xebatan taxe do biresa xetêka kanalîzasyonê moderne ke bi 200 locinan û dergîya ci ya pêroyî 8 hezar metre bo. Heta nika xeta 5 hezar metre bi 125 locinan qedîyaye.
Mudirê Şefîya Tesîsê Awa Lêmine Serhan Canî va ke 230 keyeyan de ke teqrîben hezar û 370 kes ciwîyenê, do sîstemêko kanalîzasyonî bêro viraştene.
Muxtarê Taxa Satî Metîn Aslanî va ke problemê binawanîye bi serran dewam kenê û Nîsana 2019î de laserî de binawanî bi pêroyî ameybî xetimîyayêne. Aslanî îfade kerd ke ê zaf keyfweş ê ke DÎSKÎ emser dest bi xebatan kerd.
Şarê taxe seba xebatanê DÎSKÎ şaredarî rê sipas kerd û keyfweşîya xo ya xebate îfade kerde.
Â