Hemşaredarê Şaredarîya Amedî ya Şaristanê Girdî Serra Bucak û Dogan Hatun tiyatrobazê ke beşdarê kombîyayîşê amadekarîya Festîvalê Tiyatroyî yê Mîyanneteweyî yê 11. yê Amedî bîyî, pêşwazî kerdî.

Kaybaz û rejîsor Uwe Eric Laufenberg, rejîsor, nuştoxê kayî û kaybazê Duhokî Îhsan Othmann, Sereka Şefîya Edebîyatî ya Tiyatroyê Dramayî yê Ukraynayî yê Akademîk ê Dewlete Kharkivî Marharyta Korniushchenko û Sereka Enstîtûya Tiyatroyê Mîyanneteweyî (ITI Worldwide) Dr. Jessica Atwooki Kaahwa ke beşdarê kombîyayîşê amadekarîya Festîvalê Tiyatroyî yê Mîyanneteweyî yê 11. yê Amedî bîyî ke bi hemkarîya Tiyatroyê Şaristanî yê Şaredarîya Amedî ya Şaristanê Girdî (DBŞT) û Enstîtûya Tiyatroyê Mîyanneteweyî (ITI Worldwide) bi temaya "Dîyalog Seba Aştîye" mabênê 24ê Nîsane-2yê Gulane 2026î de do bêro organîzekerdene, Hemşaredarê Şaredarîya Şaristanê Girdî Serra Bucak û Dogan Hatun zîyaret kerdî.

Hemşaredarî badê pêşwazîye bi mêmananê ke ameyî, kombîyayîşêk kerd. Kombîyayîşî de derheqê xebatanê amadekarîya Festîvalê Tiyatroyî yê Mîyanneteweyî yê Amedî de fikrî ameyî parekerdene.

Hemşaredaran îfade kerd ke ê zîyaretî ra zaf keyfweş ê û tiyatrobazan rê sipas kerd.

Zîyaretî de Endama Meclîsê DBB'yî Canane Efe Şahîn, Hetkarê Sekreterê Pêroyî Emrah Erdal, Sereka Daîreya Kultur û Karanê Komelkîyan Zeynep Yaş û Mudirê Tiyatroyî Tahîr Baykuşak zî Hemşaredaran reyde bîyî.