Protokolê Awankerdişê Tesîsê Mandira îmza kerd ke do seba piştîdayîşê cinî û gedeyan û berhemardişê şitî bi hemkarîya 8 dezgehan ame viraştene. 

Hemşaredarê Amedî yê Şaristanê Girdî Serra Bucak û Dogan Hatunî protokolê Awankerdişê Tesîsê Mandira îmza kerd ke do seba piştîdayîşê cinî û gedeyan û berhemardişê şitî bi hemkarîya GABB,DTSO û şaredarîyê 5 qezayan (Farqîn, Pasûr, Hêni, Pîran, Gêl) ame viraştene.

Protokol Şaredarîya Farqînî de merasîmî reyde ame viraştene û îmzakerdene.

'Do berhemê neweyî bêrê afirnayene'

Hemşaredara Amedî ya Şaristabnê Girdî Bucak qiseykerdişê xo de bale ante feqêrîya cinîyan a herême ser o û dîyar kerd ke ê wazenê “Hişê Berhemardişê Hemparî” awan bikerê.

Hemşaredare Bucak îfade kerd ke proje ganî domdar bibo û va: “Ma do na xebate biresnê serkewtişî. Ez bawer kena ke do berhemê neweyî, yewîyê neweyî komunê neweyî bêrê afirnayene.