Hemşaredara Şaredarîya Amedî ya Şaristanê Girdî Serra Bucak, heyetêkê mîyannetewîye ke tede akademîsyen, sîyasetmedar û temsîlkarê rêxistinanê sivîlan ke beşdarê Konferansa Aştî û Komelê Demokratîkî ya Mîyannetewîye bîyî, pêşwazî kerd.

Heyetî de; sosyologê Îrlandayî John Holloway, sîyasetmedarê Baskî Josu Estarrona, endamê Parlamantoya Hindistanî Aneel Prasad Hedge û Hemserekê Partîya Voltî ya Îtalya Danîela Pattî ca girewt.

Kombîyayîşî de derheqê averşîyayîşanê nikayînan de fikrî ameyê parekerdene û bal ame antene muhîmîya piştîpêdayîşê mîyannetewî ser o.