Şaredarîya Amedî ya Şaristanê Girdî, seba awankerdişê hişyarîya pakîya cugehî, dibistananê şaristanî de derheqê "pakîya cugehî, neweraxebitnayîş, sifir eşte û vurîyayîşê îklîmî" de perwerde dana.

Seba ke hişyarîya pawitişê cugehî ciwanîye de bêro qezenckerdiş, hetê personelanê teknîkî yê Serekîya Daîreya Pawitişê Cugehî û Kontrolî û Serekîya Daîreya Vurîyayîşê Îklîmî û Sifir Eşteyî ra, wendekaranê lîse û dibistananê mîyanênî rê perwerdeyî yenê organîzekerdene. Na çarçewa de qezaya Erxenî de seba wendekaranê Lîseya Mehmet Akîf Ersoyî û Dibistana Mîyanêne ya Cumhurîyetî perwerdeyê hişyarîye ame organîzekerdene.

Perwerdeyanê dibistanan de, wendekaranê rê derheqê "hîsgirîya cugehî, bikarardişê çimeyan ê bibereket, kêmîkerdişê eşteyan, hetkarîya hedefanê sifir eşteyî, çime de cîyakerdişê eşteyan, muhîmîya neweraxebitnayîşî, çimeyê enerjîyê newebîyaye û newenêbîyaye, tesîrê pîlanê eşteyan ê cugehî ser o û metodê arêdayîşî yê raştî, zerarê rûnê veşate yo nebatî û îmhakerdişê ci û tesîranê vurîyayîşê îklîmî" ser o agahîyê teorîk û pratîkî ameyî dayene. Çarçewaya perwerdeyî de dibistanan de qutîyê neweraxebitnayîş û yê pîlanê eşteyan ameyî vilakerdene.

Şaredarîya Şaristanê Girdî, perwerdeyanê xo yê pakîya cugehî yê seba gede û ciwanan do seranserê demserrê perwerdeyî de dewam bikero.