Xebatê pawitiş, tamîr û weşkerdişî ke ma seba resêko lez û ewle merkezê şaristanî de kenê, dewam kenê.

Na çarçewa de bi hemkarîya Serekîyanê Daîreyanê Res, Viraştişê Rayîran, Pawitiş û Tamîrî û Park û Baxçeyan, Çatrayîrê Muharebeyî de ke Bulwarê Xarpêt û Cadeyî Ofîs Gewranî resenê pê, xebate dest pê kerd.

Bi xebate yeno amanckerdene ke demê vindertişê şarî yê roşnayanê çatrayîrî de kêmî bibo.

Badê temambîyayîşê xebate, demê vindertişê çatrayîrî do 100 sanîyeyan ra bikewo 30 sanîyeyan.