Cinîyê Amedî, bi saya programê perwerdeyî ke Şaredarîya Amedî ya Şaristanê Girdî organîze kena, ciewnîyayîşê klîma, kombî û petekan mûsênê û problemanê teknîkan ke cuya rojane de vejenê vernîya înan, çareser kenê.

Demserra dîyine ya programê perwerdeyê ciewnîyayîşê klîma, kombî û petekan û pêranayîş û tamîrê mobîlyayan ke hetê Serekîya Daîreya ma ya Xizmetanê Cinî û Keyeyî ra yena organîzekerdene, 1ê teşrîna peyêne de dest pêkerd.

Programê demserra dîyine de 13 cinîyî beşdar benê.

Qursîyeran ke îfade kerd ke perwerdeyo ke girewt, înan rê hetkarîyêka muhîme kerda, Şaredarîya ma ya Şaristanê Girdî rê sipas kerd.

Programê perwerdeyî ke amanc keno bi zanayîş û huneranê teknîkan cinîyan xurtêr bikero, dewam keno ke hem cinîyan rê hetkarî bikero ke problemê cuya rojaneyî çareser bikero hem zî cinî warê teknîkan de rolêko aktîfêr bigîrê.