Seba serekîyanê daîreyan û mudiranê şûbeyan ke Şaredarîya Amedî ya Şaristanê Girdî û DÎSKî de wezîfedar ê, perwerdeyê bi babeta "Muhîmîya Şaredarîya Zafziwanîye" ame organîzekerdene.

Programî de ke Salona Kombîyayîşî ya Meclîsî de ame kerdene; pawitişê ziwanan, ciwînayîşê înan û rolê fehmê zafziwanîye yê xizmetanê şaredarîye, rayberîya demokratîke û seypêyîparestîye ser o ame qiseykerdene.

Roniştişê yewinî de Dr. Ronayî Onen, Doktorant Nuh Bozkur û Dr. Dîlawer Zeraq; Kurdkî de talûkeyê vindbîyayîşê ziwanî, polîtîkayê ziwanî û hişyarbîyayîşî ser o pêşkêşî kerdî.

Roniştişê dîyinî de Doktorant Cemîl Guneş tesîrê zafziwanî yê komelkî û ekonomîkî ser o qisey kerd, Ziwanzan Zana Farqînî bal ante ser o ke xizmetê zafziwanî rayberîyanê herêmkî de resayîş û qalîte zêde kenê.

Eynî wext de Verfeka Komîsyonê Ziwan, Kultur û Hunerî yê DEM Partî Av. Cemîle Turhalli derheqê polîtîkayanê ziwanî yê partîye de nirxnayîşî kerdî.