Hemşaredara Amedî Serra Bucak, maço ke Taximê Voleybolî yê Cinîyan ê DBBî ke Lîga 1. ya Cinîyan Grûba Byî de têkoşîn keno, Klûba Sporî ya Îlbankî 3-0 mexlûb kerd, trîbun ra temaşe kerd û piştgirî daye sportmenan ê ma.

Musabaqe de ke kompleksê sporî yê qezaya Kayapinarî de ame kaykerdene û maço yewin ê demserra dîyine ya lîg o, taximê ma destpêk ra heta peynî performansêko tesîrkar mojna.

Taximê Voleybolî yê Cinîyan ê DBBî ke bêdayîşê setî reqîbê xo 3-0 mexlûb kerd, bi nê qezencî dest bi dewreyê dîyinî kerd û moral girewt.

Badê maçî Hemşaredara ma Serra Bucak ke şîye saha, seba kayê serkewteyî ke mojnayî sportmen û taximê teknîkî yew bi yew pîroz kerdî û dewamîya serkewtişê înan waşt.