Şaredarîya Amedî ya Şaristanê Girdî, hemwelatîyê ke semedê vewra girse ya tesîrdare şaristanî de asê mendbî û problemê cayî antêne, otelan de bi ca kerdî.

32 hemwelatîyê ke şaristananê bînan ra ameybî Amed û semedê şertanê hewayî ra merkezê şaristanî de asê mendbî û problemê cayî antêne, hetê ekîbanê şaredarîye ra bi wesayîtan ameyî girewtene û tayê otelanê şaristanî û Keyeyê Mamostayan de ameyî bicakerdene.

Hemwelatîyan heta ke otelan de mendî, heme hewceyîyê înan ê bingeyinî hetê şaredarîya ma ra ameyî temînkerdene.

Ekîbê şaredarî heta ke şertê hewayî dewam bikero, seba ke hemwelatî mexdûr nêbê, do xebatanê xo dewam bikerê.