Şaredarîya Amedî ya Şaristanê Girdî, semedê vewra girse rayîrê taxanê dewan ê girêdayeyê 17 qezayan de xebatê ritişê vewre û akerdişê rayîran bêvindertene dewam kerd. Çarçewaya xebatan de seranserê şarsitanî de bi pêroyî 2 hezar û 622,7 kîlometre rayîrê taxanê dewan abî.

Şaredarîya Şaristanê Girdî, xebatê têkoşînê vewre, ke bi amancê temînkerdişê bêvindertene yê resê taxanê dewan de ramena, dewam kerd. Hewteyê vîyartîye de rayîrê taxanê dewan ê girêdayeyê qezayanê Baglar, Kayapinar, Sûr, Yenîşehîr, Pasûr, Licê, Erxenî, Farqîn, Bismîl, Çinar, Gêl, Şankûş, Çêrmûg, Pîran, Karaz, Hênî û Hezro de ke semedê vewre padîyaybî xebatê hîrayî ameyî ramitene.

Ekîbê Serekîya Daîreya Viraştiş, Miqate û Tamîrê Rayîran, bi taybetî herêmanê berzan de û taxanê dewan de ke tede res vindeno xebatê ritişê vewre û akerdişê rayîran eynî dem de kerd.

Rayîrê ke qezayan de abîyî

Çarçewaya xebatanê ke ameyî ramayene de Baglarî de 72,5 km, Kayapinarî de 22 km, Sûrî de 74 km, Yenîşehîrî de 10,7 km, Pasûrî de 475 km, Licê de 85,8 km, Erxenî de 187 km, Farqînî de 251,5 km, Bismîlî de 70 km, Çinarî de 128,5 km, Gêlî de 170 km, Şankûşî de 230 km, Çêrmûgî de 434,5 km, Pîranî de 139 km, Karazî de 26,4 km, Hênî de 187 km û Hezroyî de 58,8 km rayîrê taxanê dewan seba resî abî.

2 hezar û 622 km rayîr abî

Wexto ke seranserê şaristanî de 17 qezayan de bi pêroyî 2 hezar û 622,7 kîlometre rayîrê taxanê dewan newe ra abî, ekîbê Şaredarîya Şaristanê Girdî seba ke rayîrê ke semedê vewre padîyaybî newe ra akerê, xebatanê xo bêvindertene dewam kenê. Bi taybetî seba ke resayîşê xizmetê weşîye, rewşanê acîlan û xizmetê bingeyinî nêvinderê, ekîbî 7/24 waran ra wezîfe ser o yê.