Hemşaredara Şaredarîya Amedî ya Şaristanê Girdî Serra Bucak, xebatê pakkerdişê vewre û hîrakerdişê rayîran ke seranserê şaristanî de bêvindertene dewam kenê, saetanê şewe de warî ra koordîne kerd.
Xebatanê bikoordîneyan de ke ekîbê Şaredarîya Amedîya Şaristanê Girdî û şaredarîyanê qezayan reyde yenê ramitene; cayê krîtîkî yê sey Bulwarê Mezopotamya, kompleksê Unîversîteya Dîcle û Bulwarê Xarpêtî de karê hîrakerdişê rayîran û soleeştişî ameyî kerdene.
Hemşaredara Şaredarîya Amedî ya Şaristanê Girdî Serra Bucak ke xebatê pakkerdişê peyarayîran ê qezaya Baglarî de zî ca de kontrol kerd, kedekaran reyde ke vera cemedî 7/24 wezîfe ser o yê, ameye têhet û seba xebatanê înan ê fedakarîyan sipas kerd.
