Endemanê Platformê Pawitiş û Piştipêdayîşê Şaristanî ya Amedî, seba piştîpêdayîşî Şaredarîya Amedî ya Şaristanê Girdî ke merkezê şaristanî û qezayan de xebatê têkoşînê vera vewre ramena, zîyaret kerd.

Hemşaredaranê Amedî yê Şaristanê Girdî Serra Bucak û Dogan Hatunî endemanê platformî kompleksê Serekîya Daîreya Viraştiş, Miqate û Tamîrê Rayîran ê qezaya Baglarî de ke cayê merkezê kordînasyonê xebatanê têkoşînê vera vewr o, mêman kerdî.

Çarçewaya zîyaretî de xebatê ritişê vewre, akerdişê rayîran û têkoşînê vera cemedî ke seranserê şaristanî de dewam kenê, ameyî qiseykerdene; derheqê xebatan de ke ekîbî waran rawezîfe ser o  benî, nirxnayîşî ameyî kerdene.

Hemşaredaran bale ante muhîmîya kulturê piştîpêdayîşî û hareketê hemparî ser o ke seba ke şaristan şertanê zehmetan de lezêr û tesîrdarêr xizmet bigîro.