Encamnameyê netîceya Forûmê Awe yê Mezopotamya yo 2. ke mêmandarîya Şaredarîya ma ya Şaristanê Girdî de, 17-19ê teşrîna verêne 2025î de Amed de ame viraştene, Merkezê Kongre û Kulturî yê Çand Amedî de ame îlankerdene.

Encamnameyî de ame dîyarkerdene ke vernîgirewtişê herikîyayîşê Çemê Dîcle û Firatî tena meseleyêka ekolojîke nîya, eynî demî de meseleyêka edaletê komelkî û aştîye ya.

Encanameyî de ame îlankerdene ke Meclîsê Awe yê Mezopotamya û bi perspektîfê ekofemînîst Grûba Xebate ya Dîplomasîya Awe ya Cinîyan do bêra awankerdene.

Beşa netîceya encamnameyî de zî ame dîyarkerdene ke Tora Awe ya Mezopotamya do bêra girdkerdene û seba ke Forûmê Awe yê Mezopotamya  ke yeno do Başûrê Iraqî de bêro organîzekerdene, do amadekarîyî dest pêbikerê.