Şaredarîya Amedî ya Şaristanê Girdî, 16, 17 û 18ê Çeleyî de rayîrê taxanê dewan de ke vewra zafe tesîrdar bîye, xebata têkoşînê vera vewre dewam kerd.

Seranserê şaristanî de vewre tesîrê xo dewam kena, ekîbê Serekîya Daîreya Viraştiş, Miqate û Tamîrê Rayîran, çarçewaya xebatan de ke hirê rojî dewam kerd, 10 ra zêdeyêr qezayan de teqrîben 300 kîlometre rayîrê taxanê dewan akerd. Bi taybetî xebatanê zehmetan de ke herêmanê koyîyan de ameye ramitene, ame amanckerdene ke resayîşê hemwelatîyan ê hewceyîyanê bingeyinan û xizmetê weşîye bêvindertene bêro temînkerdene.

Herêmê ke ca ra ca bi metreyan vewre tede bîye, ekîban xebatê akerdişê rayîran ra teber serûberkerdişê hîrakerdişê rayîran zî kerd.

Cografyaya zehmete de mesaîya bêvindertene

Xebatê ke herêmanê koyin û çetinan de bi greyder, loder û wesayîtanê ritişê vewre ameyî ramitene, dem bi dem binê pûke de dewam kerd. Ekîbê ke herêman de ke talûkeya aşîtî est a, bikontrol xebate kerde, blokê vewre ke kenaranê rayîran de kom bîyî, pak kerdî û res kerd biemnîyet.

Şaredarîya Amedî ya Şaristanê Girdî, rayîrê taxanê dewan de do xebata têkoşînê vera vewre dewam bikera.

 

Çarnayox: Mehmet Olmez