Şaredarîya Amedî ya Şaristanê Girdî, bi amancê xebitnayîşê raşt û tesarûfê çimeyanê awe, merkezê şaristanî de nimûneyê peyzaja huşke hîra kena.

Çarçewaya xebatan de Çatrayîrê Dinya ya Bulwarê Dîclekentî yê qezaya Kayapinarî de prosesê serûberkerdişêko newe yê peyzaja huşke dest pêkerd.

Ekîbê Şaredarîya Amedî ya Şaristanê Girdî çatrayîrî de ke bi pêroyî 8 hezar metrekare warê aye est o, qonaxa verêne de karê binawanîye yê sey revîzyonê sîstemanê awedayîşî û wedarnayîşê waranê vaşan bi rêjeya girde dest pêkerd.

Çatrayîrî de sewbîna bi xebitnayîşê elementanê peyzaja huşke, cîyakerê vaşan, kerreyê dolamîtî û cûrûfî war do newe ra bêro serûberkerdene.