Hemşaredarê Şaredarîya Amedî ya Şaristanê Girdî Serra Bucak û Dogan Hatun, seba pawitişê mîrasê tarîxî û kulturî yê şaristanî, hewza awe, Çemê Dîcle û Baxçeyê Hewselî, temsîlkaranê rêxistinanê ekolojîye û komelê sîvîlî reyde ameyî têhet.

Bucak û Hatun; Hemşaredara Sûrî Fatma Gulan Onkol, Komîsyonê Cugehî yê Baroyê Amedî, Meclîsê Ekolojîye yê Amedî û temsîlkarê platformanê şarî yê Licê, Pasûr û Pîranî reyde pîya Şaredarîya Şaristanê Girdî de kom bîyî û xerîteya rayîrî ke do bêro taqîbkerdene, nirxnaye.

Kombîyayîşî de; ameyoxê Baxçeyanê Hewselî, pawitişê waranê sîtî, statûyê Çemê Dîcle, pawitişê sûran û vera projeyê eko-qirkerdişî yê sey maden, ocaxê kerrayan, HES, RES û GESan xeta têkoşînê îdarî, huqûqî û pratîke ameyî dîyarkerdene.