Kayê tîyatroye yê "Jîn"î ame sahnekerdene, Hemşaredare Bucak cinîyan reyde pîya temaşe kerd

Hemşaredara ma Serra Bucak, çarçewaya çalakîyanê 8ê Adare Roja Cinîyanê Kedkaran a Dinya de kayê bi nameyê "Jîn" ke hetê Tîyatroyê Şaristanî yê ma DBŞTî ra ame sahnekerdene, cinîyan reyde pîya temaşe kerd.

Badê kayê ke bi ziwanê bedenî têkoşînê cinîyan û şeklanê têkoşînê vera şînî ra behs keno, kaykerdoxî bi çepikanê temaşekerdoxan ameyî pêşwazîkerdene.

Bucak ke kaykeran rê gulî pêşkêş kerdî, dîyar kerd ke tîyatro seba vurîyayîşê komelkî hêzêko muhîm o û va ke nê tewir xebatî piştî danê têkoşînê komelêko azad.

Bucak, venga heme cinîyanê şaristanî da mîtîngê 8ê Adare ke roja Yewşemeyî Meydanê Îstasyonî de do bêro organîzekerdene