Şaredarîya Amedî ya Şaristanê Girdî, çarçewaya xebatan de ke bi amancê piştîdayîşê averşîyayîşê kurdkî kena, kovarêka xêzeroman a newîye îlaweyê weşananê xo kerde.

Hûmara yewine ya kovara xêzeromanê kurdkî ya bi nameyê Bajar ke bi formatê dîjîtalî ame amadekerdene, ame weşanayene û seba resayîşê wendoxan abî.

Amadekerdişê kovare de Dogan Guzel ke afirnayoxê karakterê Qirikî yo ke vîrê wendoxanê mîzahî de bîyo klasîk, pêşengîye kerd. Karîkaturîst Îmam Cîcî zî piştî da Guzelî. Kovare, bi kurmancî û zazakî do her aşme bêro weşanayene.