Heyeto ke îdarekaranê Sendîkaya Perwerde û Zanistî ya Almanya (GEW) û Sendîkaya Xizmetanê Yewbîyayeyan (ver.di) ra virazîyayo, Şaredarîya Amedî ya Şaristanê Girdî zîyaret kerd.

Claudia Schiffmann, Patrick von Brandt, Barbara Nägele, Martin Pottel, Karlo Räcke, Senem Gulen-Räcke, Hilde Schäper, Anne Gerdrun, Volker Nüsse, Svenja Ketelsen, Klaus Becker û Andrea Keiz ke mîyanê heyetî de bîyî, hetê hemşaredare Serra Bucak ra ameyî pêşwazîkerdene.

Kombîyayîşî de Bucak, waranê tarîxî yê Amedî ke Lîsteya Mîrasê Dinya ya UNESCOyî de yê, potansîyelê turîzmî yê şaristanî û xebatanê ke Şaredarîya Şaristanê Girdî kena, qisey kerd.

Ame îfadekerdene ke heyet do sewbîna waranê mîrasê kulturî yê Amedî zî zîyaret bikero.