Hemşaredarê Şaredarîya Amedî ya Şaristanê Girdî Dogan Hatun, Keyeyê Dengbêjan ke binê Serekîya Daîreya Kultur, Huner û Karanê Komelkîyan de qezaya Sûrî de falîyet keno, zîyaret kerd.

Hemşaredar Hatunî deyîr û kilamê dengbêjan goşdarî kerd û înan reyde sohbet kerd.

Hatunî ke hemwelatîyanê ke ameyî Keyeyê Dengbêjan reyde zî kom bî, bale ante muhîmîya gandayîşê adetê dengbêjîye û resnayîşê neslanê ameyoxî ser o.

Dengbêjê ke mîyanê kiriştoanê tewr muhîman ê kulturê fekkî yê kurdan de ca gênê, bi deyîr û kilamê ke wendî, wextê zîyaretî de temaşekerdoxan rê demêko weş da vîyarnayene.