Amed de ameyîşê wisarî reyde darê murîyê xemlî (pyrus calleryana) kuçe û bulwaran de asayîşêko weş dano bajarî.

Şaredarîya Amedî ya Şaristanê Girdî seba ke şaristan bireso estetîkî û weşîyêka rinde xebatanê darûberinkerdişê bajarî bi lez dewam kena.

Nê darê ke xebatanê peyzajî yê Serekîya Daîreya Park û Baxçeyan de ameyî tercîhkerdene, bi xoverdayoxî û dîyayîşê xo yê estetîkî vejîyenê vernî.

Darî, wisarî de bi gulanê xo yê sipîyan şaristanî xemilnenê û hemwelatîyan rê dîmenanê fotografîkan pêşkêş kenê.

Kuçe û bulwaran ra teber, bi amancê dayîşê dîyayîşêko estetîk parke û refujan de zî darê mûrîya xemlî ca gênê.

 

Çarnayox: Mehmet Olmez