Bi hemkarîya Şaredarîya Amedî ya Şaristanê Girdî û şaredarîyanê qezayanê Yenîşehîr, Baglar, Sûr û Kayapinarî, çarçewaya 30ê Adare Roja Sifir Eşteyî ya Mîyanneteweyî de Warê Cuya Hempare yê Sumerparkî de çalakîyê hişyarîye ameyî organîzekerdene.

Bernameyê ke bi beşdarîya Hetkara Sekreterê Pêroyî Zerîn Turk, Hemşaredarê Şaredarîya Yenîşehîrî Mehmet Ergun, Hemşaredarê Şaredarîya Kayapinarî Berîvan Gulşen Sincar û Cengîz Dundar, serekê daîreyan, wendekaran û hemwelatîyan ame viraştene; bi atolyeyanê neweraxebitnayîş û neweraxebitnayîşo averşîyaye ame baleantene ke eşteyî tena çop nîyo, erjêko ekolojîk û ekonomîk o zî.

Şaredarî venga her kesî dana ke seba verdayîşê muhîtêko hîna biweşîye yê neslanê ameyoxî tê, piştî bidê vernîgirewtişê peydabîyayîşê eşteyan û seferberîya neweraxebitnayîşî.