Şaredarîya Amedî ya Şaristanê Girdî, bi amancê wedarnayîşê xirabîya ke şertanê hewayî yê nebaşan kerd, xebatanê miqate û tamîrî ke qezayanê Baglar, Kayapinar, Sûr û Yenîşehîrî de dest pêkerd, bêvindertene dewam kena.

Ekîbê Serekîya Daîreya Viraştiş, Miqate û Tamîrê Rayîran, çal û deformasyonê ke rîyê varan û vurîyayîşê germîye ra peyda bîyî, bi teftîşê warî tesbît kenê û guzergahanê verênîyan de xebatanê tamîrî kenê.

Çarçewaya xebatan de rîverê rayîranê ke xirab bîyê, yenê newekerdene û çalê ke emnîyetê şoforîye ser o tesîr kenê bi asfalto germ yenê girewtene.

Hewteyê peyênî de xebatande ke çar qezayanê merkezîyan de ameyî kerdene, bi xebitnayîşê 3 hezar ton asfalto germî rayîrî hîna biemnîyet û birehet ameyî kerdene.,

 

Mehmet Olmez