Taximê Futbolî yê U-19 yê Şaredarîspor a Şaredarîya Amedî ya Şaristanê Girdî, bi performansê xo yê serkewte yê Lîga Averşîyayîşê Akademîya Elîtî ya TFF’yî de resa şampîyonîye û heq kerd ke Şampîyonaya Tirkîya de şaristanî temsîl bikero.

Taximê kesk-sûran ke emser reya verêne Lîga Averşîyayîşê Akademîya Elîtî ya TFF’yî de têkoşîn kerd, grûba 9. de sey sereke temam kerd.

Bi galibîyetê 1-0 yê krîtîkî ke vernîya Batman Petrolsporî de girewt, berê şampîyonîye akerdî. Taximo ke kategorîya xo sere de temam kerd, heq kerd ke beşdarê qonaxê play-offî bibo.

Kesk-sûrî, seba ke turê play-offî yê Şampîyonîya Tirkîya de zî performansêko serkewte nîşan bidê, goreyê bernameyê antrenmanî amadekarîyanê xo dewam kenê.

Şaredarîya Amedî ya Şaristanê Girdî piştîdayîş û xebatanê xo yê seba zêdekerdişê serkewtişê sporkaran do dewam bikero.

 

Mehmet Olmez