Şaredarîya Amedî ya Şaristanê Girdî seranserê şaristanî de peyda benê û pawitişê weşîya şarî, kontrolanê xo bêvindertene dewam kena.

Şaredarîya Amedî ya Şaristanê Girdî bi ekîbanê Serekîya Daîreya Pawitişê Cugehî û Kontrolî bi amancê îdarekerdişê biemnîyetî yê eşteyanê tibî ke dezgehê weşîye yê seranserê şaristanî de peyda benê û pawitişê weşîya şarî, kontrolanê xo bêvindertene dewam kena.

Kontrolan de ke şaredarî bi 4 ekîbanê cîyayan 15 rojan de reyêk bi perîyodîk kenê; cîyakerdiş û depokerdişê eşteyanê enfeksîyonî, birnayox û qulkerdoxan goreyê rêzname bi baldarîye kontrol kenê.

Eşteyê tibî ke rojêk de reseno 8 tonan; bi sîstemêko profesyonel ke prosesê komkerdiş, sterîlîzasyon û bertarafkerdişî gêno xo mîyan, bêke zerar bidê kesekî, kenê bêtesîr.

Sewbîna bi perwerdeyanê ke ma seba personelanê weşîye organîze kenê, hişyarîya derheqê îdarekerdişê eşteyî de zêde kenê û vernîya rîskanê mumkînanê ke eşkenê weşîya komelî ya Amedî tehdît bikerê, gênê.