Roniştişo 5. ê kombîyayîşê asayî yê aşma nîsane yê Meclîsê Şaredarîya Şaristanê Girdî, awanîya xizmetê şaredarîye de bi serekîya hemşaredar Dogan Hatunî ame viraştene.

Hatunî ke derheqê hêrişanê bi çekan ê ke Sêwerêgi û Qehremanmaraşî de dibistanan ameyî kerdene, bi nameyê Şaredarîya Şaristanê Girdî û şarê Amedî xemgînîya xo ya xorîne dîyar kerd û veng da ke seba vernîgirewtişê hadîseyê şîdetî dezgehê pêroyî û komelê sîvîlî berpirsîyarîya hempare bigîrê xo ser.

Hemşaredarê Şaredarîya Amedî ya Şaristanê Girdî bale ante ke ganî seranserê welatî de vera tedeyîyanê ke şîdetî teşwîq kenê, kontrolê hîna hîrayîî bêro kerdene.