Forumê Şaredarîye (BELFOR) 16-17ê nîsane Enqere de ame viraştene.

Forumê Şaredarîye (BELFOR) ke hetê Yewîya Şaredarîyanê Tirkîya (TBB) ra bi amancê xurtkerdişê hemkarîya mabênê şaredarîyan, zêdekerdişê parekerdişê tatbîqatanê rindan û hîrakerdişê resnayîşê tecrubeyan ê îdareyanê herêmkîyan ame organîzekerdene, 16-17ê nîsane Enqere de ame viraştene.

BELFORî de naskerdişê 225 tatbîqatê projeyan ame kerdene.

Forumî de JINKART, Atolyeyê Pedan Ke Şuwîyenê ya "Ma bi Çerxa Xo Bedilîyenê" û Grûbê Berhemardişê Piştîpêdayîşê Cinîyan, Sîstemê Agahîya Cîyakerdişê Eşteyan, Jinmap, Kitabxaneyo Vengino Bêasteng û tatbîqatê Taksîya Sosyale sey "nimuneyê tatbîqatî yê rindî" ameyî weçînayene û naskerdene.

Çarçewaya forumî de sewbîna tatbîqatê Budçeya Beşdare ke Konseya Şaristanî ya Amedî kena zî ame qiseykerdene û proje senî yeno ramitene, ame parekerdene.