Hemşaredarê Amedî Serra Bucak û Dogan Hatunî, îdareyê Herêma Sanayîya Organîze ya Amedî yo zîyaret kerd, ê pîroz kerdî û seba înan serkewtiş waşt.

Zîyaretî de bale ameye antene muhîmîya hemparîya mabênê dezgehan ê şaristanî ser o, û ame îfadekerdene ke seba xurtkerdişê waranê berhemardiş û îstîhdamî yê Amedî, xebatê pîyayî do bêrê kerdene.

Hemşaredara ma Serra Bucak va ke hemparîya şaredarîye ya OSB'yî reyde dewam kena, û Hemşaredarê ma Dogan Hatunî zî va ke seba çareserkerdişê problemanê şaristanî û hewcedarîyanê waranê berhemardişî, do pîya hereket bikerê.

Hemşaredaran reyde Sekreterê Pêroyî yê DBB'yî Serdar Bakiroglu, Hemverfekê Meclîsê DBB'yî Ayhan Karatekin û Endama Daîmî ya Meclîsî Gulay Kiliç zî bîyî.