Şaredarîya Amedî ya Şaristanê Girdî, verê Roşanê Qurbanî, hemwelatîyê pîrî ke rîyê problemanê weşîye ra nêeşkayî şêrê berber, keyeyanê înan de xizmetê berberîye yo mobîl da.

Çarçewaya xebate de ke hetê Serekîya Daîreya Xizmetanê Astengdar û Pîran ra yena kerdene, ekîbê profesyonelî yê kuafor û berberî, qesnayîşê por û erdîşe ê hemwelatîyan, keyeyanê înan de bi hewayêko hîjyen kerd.

Komelê ke şaristan de seba astengdaran faalîyetan kenê, ameyî zîyaretkerdene

Sewbîna 25 komelê ke şaristan de seba astengdaran faalîyetan kenê, ameyî zîyaretkerdene; pakêtê roşanî û malzemeyê pakîye reyde ame piştîdayene.

Zîyaretan de waştiş û pêşnîyazê îdarekaranê komelan zî ameyî goşdarîkerdene.